Parlamentu ta aprobá Lei pa amplia ferlòf di maternidat
Djaweps 17 di desèmber 2009 Parlamentu unánimamente a aprobá e inisiativa di lei pa entre otro amplia ferlòf di maternidat. E inisiativa di lei a keda entrega na Parlamentu dia 8 di mart 2007, esta riba un dia internashonal di hende muhé.
Aparte di e tres intenshonnan original di e lei, ku ta amplia e ferlòf di maternidat ku 2 siman i hasié di 12 pa 14 siman, introdusí un prohibishon pa obligá e trahadó hende muhé embarasá traha trabounan di warda di anochi òf hasi trabounan pará riba pia durante un lapso di mas ku un ora, e lei ta introdusí tambe diferente otro stipulashon ku ta dirigí riba eliminashon di deskriminashon di hende na boka trabou, protekshon di e hende muhé i salú di e empleado embarasá.
Un di e stipulashonnan nobo aki ta e prohibishon pa deskriminá, den kualke forma, entre e hende hòmber i e hende muhé den e ámbito laboral. Den e kuadro aki tambe mester bisa ku tampoko lo ta permití pa, den un proseso di solisitut, eksigí un tèst di embaraso ni retirá un trahadó pa motibu di su embaraso.
Otro intenshon di e lei ta e provishon ku ta duna e trahadó hende hòmber ku tin – komo mayor – un relashon familiar ku e resien nasí, den kaso di fayesimentu o malesa di e mama, derechi riba un ferlòf pagá komparabel ku loke e mama (ta) tin derechi riba dje. E lei tambe ta reglamentá introdukshon di pouzenan paga durante ora di trabou na e trahadó mama pa e por den tur trankilidat duna su yu lechi di pechu òf kolf.
Frakshon di MAN ta gradesí Parlamentu di Antia kompleto pa e sosten unánime duná na lei i ta spera ku mas lihé posibel i sin basilá Gobièrnu lo sòru pa su publikashon.
Kòrsou, 17 di desèmber 2009
Dwigno Puriel
Miembro di Parlamentu di Antia pa Partido MAN
Loading ...
Amigo Dwigno Puriel masha masha danki pa e bon trabow aki, pero ainda falta unu mas di e hopinan ku mester regla.
Esaki mi ta masha preokupa ku ne, esta esun di Cessantia, na mi humilde opinion, mester drechele di tal forma, ku no ta solamente ora ku e empleador (donjo di trabow) kita of pidi pa kita e trahado for di trabow, ku ta paguele su cessantia. Na mi opinion, e mester ta tambe ku ora e trahado mes tambe kier bai, pero si mester ta ku ora e ta riba di tres anja ta trahando. Pakiko esaki, pasobra ta masha na moda, ku ta verpest bo weg. Kiko mi kier men ku esaki, tin kaminda, ku tin trahado serio ta traha, y despues ku e tin varios anja ta traha, ku nos ta mira e ora ei, ku ela bira bieuw, ku ta algu normal, pero ainda e no tin edad di ni un penshoen di behez, anto ta mande bai traha un otro trabou degenera, pa asina e mes rabia kita bai for di trabow. Tin ehempel di un hende ku a traha 35 anja na un empresa na Nieuw Poort komo Bankwerker, i despues a mande bai tene banjonan limpi. Tambe no lubida esnan ku a kima na Isla, i tin hopi tambe di e beroepsziektenan, ku ta bai sin hanja nada di plaka, si nan ta keda ku e behandeling etc etc etc.
Lo ta bon pa check si esnan ku a muri edn DOK e sinku hendenan ei si nan famia a hanja un vergoeding.
Danki pa lesa e komentario
have a beautifull day
Ugh, I liked! So clear and positively.
Nicolas
Hopi bon….
Bon trabou Dwigno… Pero a keda hang si pa ki dia e lei nobo di ferlof di embaraso ei ta drenta na vigor. Paso foi 17 di desember no a bin niun publikashon di parti di gobiernu o di parti directie arbeidszaken pa sa si ekos aki ta for real.
graag lo mi ke mira mas di e esaki si.
thanks pa e bon trabou i kambio.
Hopi bon!Pero ki dia e lo drenta na vigor? E aña aki ahinda?Nan mester traha riba dje pa nan por hasiele full legal…
Lo ta dushi pa e mother-to-be nan por keda mas tempu ku nan yuchi!Dunele atenshon i hopi amor!
Tur kos bon den e elekshon aki!!